Aalisartunut piniartunullu pikkorissarneq

Aalisartunut piniartunullu pikkorissarneq

 

Aalisartunut piniartunullu imaani isumannaallisaanermik tunngaviusumik, ikiueqqaarnermik, VHF-mik inuussutissalerinermilu eqqiluisaarnermik pikkorissarneruvoq. Imarsionermik Ilinniarfimmeersut aamma Inuilimeersut pikkorissaasapput.

Matumani pikkorissartut Inuussutissarsiutigalugu aalisartunut sapaatit-akunnerini pingasuni imaani isumannaallisaanermik pikkorissarsimasutut piginnaaneqalissapput.

Pikkorissarnermi eqquutitinneqarput aalajangersagaq “BEK nr 1218 af 21/10/2013 – Gældende Bekendtgørelse om kvalifikationskrav til søfarende og fiskere og om sønærings- og kvalifikationsbeviser” aamma aalisariutini umiartorlutik inuussutissarsiortut pillugit ilinniartitaaneq pillugu nunat tamalaat isumaqatigiissutaat (STCW-F konvention) aamma maleruagassaq III/1 (Training and Certification of Fishing Vessel Personnel).

Imai: Imaani sulinermilu isumannaallisaaneq, ikiueqqaarneq pigaartuunerlu.

Piumasaqaatit: Peqataasussap ukiuni tallimani kingullerni sivikinnerpaamik ukiuni marlunni aalisartuusimanini imaluunniit ukiuni tallimani kingullerni inuussutissarsiutigalugu ukiuni marlunni piniartuusimanini uppernarsartariaqarpaa aammattaaq peqqissutsimut allagartaq atuuttoq pigissavaa.

VHF-mik tigumiartakkamik atuissagaanni VHF-mik pikkorissartoqartariaqarpoq.

Pikkorissarneq Kalaallit Nunaanni Inuussutissalerinermut oqartussaasut pikkorissartitsinerivaa siunertaavorlu aalisartut piniartullu inuussutissalerinermi eqqiluisaarnermik ilisimasaqalernissaat, tassa aalisakkanik neqinillu pisanik eqqortumik saliinermik, aattuinermik tunitsivimmukaassinermillu ilisimasaqalernissaat. Misilitsinnermi angusisut allagartartaassapput, inuussutissalerisinnaasutut uppernarsaammik. Inuilimeersunik pikkorissaasoqassaaq.

PKU-tut pikkorissarnerussaaq, ilaatigut ima paasillugu:

  • sulisunut ilinniagaqarsimanngitsunut 25-nik ukiulinnut utoqqaanerusunullu tunnganeruvoq,
  • pikkorissarnermi inissaqarpat sulisut ilinniagaqarsimasut peqaasinnaapput,
  • ilinniagaqarsimanngitsut peqataanerannut sulisitsisoq akissarsianik utertiffigineqassaaq,
  • ilinniagaqarsimasut peqataanerannut akissarsianik utertitsisoqassanngilaq/pikkorissarnermut taarsiivigitittoqassanngilaq,
    aamma
  • sulisitsisut qinnuteqarnermi periaasiat ilisimatitsinermi erseqqilluinnassaaq
  • kommuneqarfiit suliffeqanngitsunut sulisitsisutut inississinnaapput
  • ilinniagaqarsimanngitsut suliffeqanngitsut suliffilittulli peqataassapput.

PKU pikkorissarnerit paasisaqarfiginerusinnaavatit PKU pikkorissarnerit pillugit najoqqutassiami uani.

Ulloq
02/09/2019 - 13/09/2019

Sumiiffik Qaanaaq

Oqaatsit Kalaallisut Qallunaatullu


Nalunaarneq

Tilmeldinger er lukket til denne event.