Inuussutissarsiutigalugu aalisartunut imaani isumannaallisaanermik pikkorissarneq

Inuussutissarsiutigalugu aalisartunut imaani isumannaallisaanermik pikkorissarneq

 

Aalisariutini qanorluunniit angitigisuni sulisussanut pikkorissarneq inatsisit malillugit pisussaaffiuvoq.

Pikkorissarnerup siunertaa:
Umiartortunut aalisartunullu piumasaqaataasut pillugit Søfartsstyrelsenip nalunaarusiaa nr. 1278 naapertorlugu aalisariutini qanorluunniit angitigisuni sulerusuttut tamarmik minnerpaamik inuussutissarsiutigalugu aalisartunut isumannaallisaanermik pikkorissartussaapput.

Isumannaallisaanermik pikkorissarsimasoq:

  • Aalisariummi isumannaatsumik sulineq pillugu ilisimasaqalersimassaaq, aamma sulinerup peqqissutsimut isumannaassussermullu aarlerinartorsiortitsisinnaaneranik eqqumaffiginnilersinnaalluni.
  • Imaani annannitinik umiarsuarmiittartunik atuilluarsinnaalersimassaaq
  • Imaani annanniutit pillugit ilisimasaqarlualersimassaaq
  • Imaani annannitinik misissuillunilu aserfallatsaaliuisinnaalersimassaaq
  • Inuussutissarsiutigalugu aalisartuunermut tunngatillugu inatsisinik paasitinneqarsimassaaq.

Tigusaanissamut piumasaqaatit:
Pikkorissartussaq timikkut qasujaatsuusariaqarpoq umiartortunullu peqqissutsimut allagartartaasinnaasariaqarluni (Blå bog)

Pikkorissarneq aallartitsinnagu 18-ileereertariaqarpoq

PKU-tut pikkorissarnerussaaq, ilaatigut ima paasillugu:

  • sulisunut ilinniagaqarsimanngitsunut 25-nik ukiulinnut utoqqaanerusunullu tunnganeruvoq,
  • pikkorissarnermi inissaqarpat sulisut ilinniagaqarsimasut peqataasinnaapput,
  • ilinniagaqarsimanngitsut peqataanerannut sulisitsisoq akissarsianik utertiffigineqassaaq,
  • ilinniagaqarsimasut peqataanerannut akissarsianik utertitsisoqassanngilaq/pikkorissarnermut taarsiivigitittoqassanngilaq, aamma
  • sulisitsisut qinnuteqarnermi periaasiat ilisimatitsinermi erseqqilluinnassaaq.
  • kommuneqarfiit suliffeqanngitsunut sulisitsisutut inississinnaapput.
  • ilinniagaqarsimanngitsut suliffeqanngitsut suliffilittulli peqataassapput.

PKU pikkorissarnerit paasisaqarfiginerusinnaavatit PKU pikkorissarnerit pillugit najoqqutassiami uani.

Inuussutissarsiutigalugu aalisartunut isumannaallisaanermik pikkorissarnissamik taamaatitsunut ima piumasaqaateqarpoq:

  • Pikkorissarfissaq ullut qulit sioqqullugit siusinnerusukkulluunniit taamaatittoqarsinnaavoq allaffissornikkut akiliummik akiliilluni.
  • Pikkorissarfissaq ullut qulit ataallugit taamaatinnermut akiliutaassaaq pikkorissarnermut akiliutaasartup 15 procentiata nalinga allaffissornermullu akiliut.
  • Pikkorissarfissaq ullut tallimat ataallugit taamaatinnermut akiliutaassaaq pikkorissarnermut akiliutaasartup 20 procentiata nalinga allaffissornermullu akiuliut.
  • Pikkorissarfissaq nalunaaquttap-akunnerneri 48-t ataallugit taamaatinnermut akiliutaassaaq pikkorissarnermut akiliutaasartup 30 procentiata nalinga allaffissornermullu akiliut.
  • Ilinniartitsisut angalaneranni sila pissutaalluni pikkorissarneq taamaatinneqarpat sullitamut neqeroorummut tunngatillugu aningaasartuutaassanngilaq.
  • Akiliutissat qulaani eqqaaneqartut saniatigut angalanermut, nerisaqarnermut ineqarnermullu Imarsiornermik Ilinniarfiup aningaasartuutigisai sullitap akilissavai.
  • Sullitap pikkorissarnissaq taamaatippagu Imarsiornermik Ilinniarfiup allaffissornikkut, pilersaarusiornermi angalanermilu aningaasartuutigisimasai sullitamut akileqquneqassapput.
  • Taamaatinnermut tunngatillugu aningaasartuutaasut sulisitsisumut, Majoriaq-mut suliffissarsiuussivimmulluunniit, qinnuteqarnermi kina sulisitsisutut nalunaarutigineqarnersoq naapertorlugu, akileqquneqassapput.
  • Pikkorissartussap nammineq napparsimanini imaluunniit ilaqutaasup qanigisap perulunnartumik napparsimanera toquneraluunniit uppernarsaatissaqartoq pissutigalugu taamaatittoqarpat taamaatinnermut akiliutissanik annikillisaasoqarsinnaavoq.
  • 2016-imi septembarip aallaqaataani Inuussutissarsiutigalugu aalisartunut isumannaallisaanermik pikkorissarnermi allaffissornikkut akiliiut 1190,- koruuniuvoq pikkorissarnermullu akiliut 25.000,- koruuniulluni

Dato
04/02/2019 - 22/02/2019

Sumiiffik Narsaq

Oqaatsit Kalaallisut Qallunaatullu


Nalunaarneq

Tilmeldinger er lukket til denne event.